Amserlen Rithwir Les Mills

Mae Canolfan Hamdden a Ffitrwydd Aberafon yn falch iawn o gyflwyno dosbarthiadau rhithwir Les Mills gan ei gwneud hi hyd yn oed yn haws i chi ymgorffori ffitrwydd yn eich ffordd o fyw.

Rydym am i’n haelodau brofi’r dosbarthiadau ffitrwydd gorau yng Nghastell-nedd Port Talbot, ac nid oes gwell na Les Mills, y ffenomenon ffitrwydd sy’n concro’r byd. Caiff dosbarthiadau Les Mills eu diweddaru bob tri mis gyda choreograffi newydd, cerddoriaeth sy’n cyrraedd brig y siartiau ac addysg fanwl i hyfforddwyr i wneud yn siŵr eu bod bob amser yn ffres, yn gyffrous ac yn gyson â’r ymchwil ffitrwydd ddiweddaraf.

Yn ogystal â’n hamrywiaeth o ddosbarthiadau dan arweiniad hyfforddwr, rydym bellach yn cynnig Les Mills Virtual BodyPump, BodyCombat a GRIT.

Unwaith eto, nid yw’r dosbarthiadau rhithwir hyn yn disodli ein dosbarthiadau Les Mills traddodiadol, ac ni fyddant yn disodli ein hyfforddwyr chwaith! Yr hyn maen nhw’n ei wneud yw rhoi’r hyblygrwydd a’r rhyddid i’n haelodau benderfynu pryd maen nhw eisiau ymarfer corff.

Os ydych chi’n aelod ac os oes gennych chi unrhyw gwestiynau am ein dosbarthiadau rhithwir newydd, ffoniwch ni ar 08000 43 43 43. Os nad ydych chi’n aelod, y cyfan sy’n rhaid i chi ei wneud yw llenwi’r ffurflen gyflym a byddwn yn eich gwahodd i roi cynnig ar ddosbarth am ddim!